Silleda, 12 de maio de 2012. Vitaminas 17 é unha iniciativa dos medios de comunicación que se deu a coñecer en decembro do pasado ano coa campaña “Vitaminas para o galego”, pola necesidade de prestixiar o idioma e garantir a súa transmisión interxeneracional., que se conmemora o día das Letras Galegas.
Nesta iniciativa, contémplase a a lectura simultánea do manifesto deste movemento en 17 centros de ensino de Galicia, un deles, o IES Pintor Colmeiro de Silleda.
Ás 12.00 horas, alumnos de 1º da Eso do instituto público trasdezao, procederán a ler o manifesto, ao mesmo tempo que o farán noutros 16 centros de todo Galicia. Estas lecturas que serán gravadas en vídeo colgaranse posteriormente na páxina de www.vitaminasparaogalego.gl.
Asemade, ás 17.00 horas procederase a ler o mesmo manifesto diante da porta do Concello de Silleda, do que se encargará o artesán local José Villar. Ao tempo, segundo o programa, outras 16 personalidades destacadas doutras localidades lerán o mesmo manifesto diante das casas consistoriais do seu municipio. Estas intervencións tamén serán gravadas en vídeo e colgadas na devandita páxina web.
Esta actividade está organizada dende a Concellaría de Cultura e Participación Cidadá que dirixe Matías R. da Torre.
Dentro da programación de Vitaminas para o galego tamén se contempla a lectura do manifesto en 17 cidades distintas dos 5 continentes, durante a primeira quincena do mes de maio.
No hay comentarios:
Publicar un comentario